УБТЗ-ын Хүүхдийн секторын харьяа Зүүнхараа дахь “Моносхон” цэцэрлэгийн хамт олон бид хүүхдийг номонд дуртай болгох, тэдэнд хүссэн үедээ номтой танилцаж, ном хэрэглэх, сонсож, ойлгосноо бусдад ярих боломж олгохоор хүүхдийн номын сан байгууллаа.
Хүүхдийг шүрээр тоглуулж, хөгжүүлэх арга зүйг би (Дундговь аймгийн 7 дугаар цэцэрлэгийн багш Л.Орхонтуул) 2014 оноос анх туршиж, хэрэгжүүлж эхэлсэн. Одоо шүрээр дүрс, хэмнэл үүсгэх, энгийн хөгжмийн зэмсэг, чийрэгжүүлэх зам хийх, шүр зурах, урлаж бүтээх зэргээр хүүхдэд сонирхолтой олон төрлийн үйл ажиллагаа явуулж байна.
Олон багш цэцэрлэгт бичиг цаасны ажил их байна гэж гомдоллодог. Иймд багшийн хөтлөх бичиг цаасыг ажлын чанарыг нь бууруулахгүйгээр хэрхэн багасгах вэ? Нийслэлийн Баянзүрх дүүргийн 32 дугаар цэцэрлэгийн нэгэн туршлагатай танилцана уу.
Орхон аймгийн 4 дүгээр цэцэрлэгийн "Шагай" дэд хөтөлбөр нь хүүхэд бүрд хүртээжтэй, тэдний сонирхол, нас сэтгэхүйд тохирсон сургалтын хэрэглэгдэхүүнийг бүтээж баяжуулах, эцэг эхийн оролцоог нэмэгдүүлж, хамтран ажиллах зорилготой. Бид шагайгаар хийсэн 55 төрлийн 288 сургалтын хэрэглэгдэхүүнтэй болсон.
2015 онд “Усаар наадъя” хөгжүүлэх үйл ажиллагаа явуулж байх явцад хүүхэд хавчаарыг атгаж шагай, шүр хавчиж чадахгүй байсан. Үүнээс үүдэн хавчаарыг өргөн хэрэглэж, энэ явцад нь хүүхдийг хөгжүүлэх санаа төрсөн. “Хавчаараар наадъя” сургалтын технологийг боловсруулан хүүхдүүдтэйгээ ажилласаны үр дүнг мэргэжил нэгт нөхөдтэйгээ хуваалцаж байна.